ആരു നീ,

വിദ്യാലയത്തിൽ മാഷിനോട് അമ്മ പറഞ്ഞു
“ഹൈന്ദവനെന്ന്”
പിന്നെയുമെന്നോടീ ചോദ്യം ആരാഞ്ഞു പലരും
“ജാതിയേത്”
വളർന്നപ്പോൾ “മനുഷ്യനെന്നോതി“ ഞാൻ
യൌവ്വനത്തിൽ അവൾക്കായ്
ക്രിസ്ത്യനായി,ബൈബിളെടുത്തു.
അതിലൊരു മതം ഞാൻ കണ്ടു
സ്നേഹം
ഗീതയിൽ കണ്ട സ്നേഹം
ബൈബിളും നൽകി.
ഇന്നീ പ്രവാസത്തിൽ
തുണയായ് വന്ന ഖുറാനിലും
സ്നേഹം
സ്നേഹത്തിൻ ഭാഷയാകും
ബൈബിളും,ഖുറാനും ഗീതയും
എന്നെ മനുഷ്യനാക്കി.
മതത്തിന്റെ മതിലുകളെന്നെ ഭ്രാന്തനുമാക്കി.